Ongin álvarslig hending er at lesa um í døgnrapportini hjá politinum, hóast stóra Voxbotn tiltakið sum savnaði nógv fólk í býnum í Havn síðstu nátt.
Vakthavandi sigur, at samarittarnir gera eitt stórt arbeiði í so máta.
- Tað var onki harðskapsmál ella nakað líknandi. Tó vóru tveir bilførarar tiknir fyri at koyra við kenning tíðliga í morgun, sigur vakthavandi. Hann hevur tó hug at nevna, at um tað ikki var fyri samarittarnar hjá Reyða Krossi, so kundi støðan skjótt verið ein onnur.
- Tað vil so vera, at onkur fær ov nógv av tí váta niðurum, ella av onkrari aðrari orsøk hevur tørv á eini hjálpandi hond, so støðan ikki versnar, og har koma samarittarnir inn í myndina. Teir eru gull verdir á einum tiltaki sum hesum.
Um tú veitst okkurt, sum VP ikki veit - skriva so til vp@vp.fo