Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Bøkur

”Føroysk ráðgeving” kallast nýtt tíðarrit, sum felagið hjá ráðgevandi arkitekta-, verkfrøðinga- og byggifrøðifyritøkunum í føroysku byggivinnuni hevur latið prentað í 1.500 eintøkum og eftir ætlan fer at geva út árliga.

Tíðarritið er 40 síður og lýsir føroysku ráðgevaravinnuna úr ymsum sjónarhornum. Tosað verður við nýútbúgvin í vinnuni um teirra vónir og dreymar, víst verður á upprunan og stevnuna hjá Ráðgevarafelagnum, og stór avrik hjá vinnuni verða lýst.

Ráðgevaravinnan er lutfalsliga ung í Føroyum. Hon fór at taka dik á seg í 1960’unum, tá fyrstu fyritøkurnar vórðu stovnaðar, og ferð kom á at menna samferðslukervið. Síðan hava føroyingar projekterað nærum øll sløg av verkætlanum, ið hugsast kunnu.

Nevnast kunnu í hesum sambandi tunlar, havnir, vegir, orkuverk, sjúkrahús, flogvallarbygningar, røktarheim, skúlar, barnagarðar, parkeringshús og virkisbygningar. Tekniskar uppgávur hava verið m.a. vatnveitingar, elveitingarskipanir og fjarhitaskipan.

Í tíðarritinum verður víst á, at ráðgevaravinnan er ein av tungu vitanarvinnunum í Føroyum, og at føroyskir ráðgevarar eisini gera um seg uttanlands, m.a. á støðini hjá amerikanarum í Thule og á Grundartanga í Íslandi, har ein stór sólorkuverksmiðja skal byggjast.

Formaðurin í Ráðgevarafelagnum, Selmar Nielsen, staðfestir í samrøðu í ársritinum, at Føroyar kunnu vera sjálvveitandi við ráðgevaratænastum, tí føroyska ráðgevaravinnan hevur ongantíð havt fjølbroyttari førleikar enn nú.

”Føroysk ráðgeving” verður sent øllum viðkomandi viðskiftafólkum við postinum og sæst eisini her í teldutøkari útgávu. Grafikmaster hjá Kára við Rættará hevur sett upp og umbrotið, og í ritstjórnini er Uni Arge, journalistur.

Um tú veitst okkurt, sum VP ikki veit - skriva so til vp@vp.fo