Tórshavnar kommuna: Í samband við at ráðstevnuluttakarnir komu til Føroyar, var Tórshavnar kommuna vertur fyri einari samkomu í Mullers Pakkhúsi í gjár, har Kristianna Winther Poulsen vegna kommununa, nýtti høvið at bjóða luttakarunum vælkomnum.

Í røðu sínari tosaði Kristianna Winther Poulsen m.a. um ferðavinnupolitikkin hjá Tórshavnar Kommunu, at kommunan er í gongd við at orða ein nýggjan ferðavinnupolitikk, sum kann byggja víðari á tað arbeiðið sum longu er gjørt.

Ferðavinna hevur týdning fyri arbeiðspláss og inntøkur í kommununi. Og Kommunan ynskir í tøttum samstarvi við viðkomandi áhugabólkar, at skapa ferðavinnuni góðar karmar at virka undir. Men samstundis vil Tórshavnar Kommuna eisini tryggja, at umhvørvi og mentan verða vird og vard:

“It is very important for us to make sure that our local environment and our local culture is respected and protected. If we want to create progress for all of us, this is a sensitive and delicate balance that always needs to be a part of the puzzle."

Vísandi til Koronu-farsóttina, nevndi Kristianna Winther Poulsen hvussu ferðavinnan um allan heim hevði upplivað ein stóran stoyt. Men samstundis kann hetta tíðarskeiðið gerast eitt gott høvi til umhugsni:

“It has been said that “you never should let a good crisis go to waste”.

In this sense, this conference is an excellent opportunity, for all of us, to reflect upon and to address the important issues of balance and sustainability in the tourism industry.

If we can find new ways to nourish the local communities, and in this way recharge the local involvement, we can find a new balance, that builds a better and more sustainable tourism industry in the North Atlantic.”

Móti endanum av røðu síni tók Kristianna Winther Poulsen afturíaftur orðingina hjá fyriskiparunum í ráðstevnu-upplegginum:

“A region that is good for its citizens, is a good region to visit.”