Ungi evnaríki havnarmaðurin Ragnar Finsson fer at framføra tónleik av EP síni "Crossing", sum kom út 5. november, í norskum útvarpi og sjónvarpi eins og hann í næstum eisini skal hava konsert í Oslo og seinni í Tróndheimi.
Ragnar fer av landinum í morgin, og hann hevur "Crossing" við sær í viðførinum.
Ragnar brúkar kunstnaranavnið Horrse, og í august kom út fyrsta staklag hansara "Queen of Roses". Lagið lat eygu og oyru upp hjá nógvum, og longu í september fylgdi Horrse upp við flotta lagnum “Who Are You” (sum hevði heimspremieru á NRK P13), áðrenn hann aftur toppaði tað vi staklagnum “You’re a Ghost”, sum sá dagsins ljós í oktober.
Nú er ungi føroyski listamaðurin endiliga klárur við debut-EPini “Crossing”, samstundis sum hann kunngerð útgávukonsert á Blå í Oslo, bert fáar vikur seinni.
Um tú veitst okkurt, sum VP ikki veit - skriva so til vp@vp.fo
