Hugnaløta var nú seinnapartin á Ellisheiminum í sambandi við, at Rannvá Jakobsen helt 25 ára starvsdag. Hóast hon hevur rokkið pensjónsaldri, so heldur hon fram í starvinum.
Annika Olsen, borgarstjóri, segði í stuttari røðu fyri Rannvu, at henni var sagt, at eingin dugir sum hon at fáa stemning í á Ellisheiminum og at leiða bæði húsfólk og starvsfólk í sangi.
- Um hetta er viðføtt, og harvið arvur úr Lorvík, ella um tú hevur tilognað tær hesi evni við at gifta teg inn í Føroya kanska mest musikalsku familju, skulu vit lata vera ósagt. Úrslitið er líka gott fyri tað.
- Tú ert lorvíkingur við bankaútbúgving, ið sum ung giftist við yngsta beiggjanum av systkjunum á Kamarinum, Jákupi.
Um tú veitst okkurt, sum VP ikki veit - skriva so til vp@vp.fo
