Longu renturnar hava kós ímóti 2,5% ella meira komandi árini, tað halda fleiri feløg sum veita realkreditlán, eitt nú Nordea og Realkredit Danmark.
Orøkin er fyrst og fremst vaksandi inflatión.
Búskaparfrøðingar sum úttala seg til Jyllandspostin halda tó, at rákið er bara fyribils, og sama heldur danski Tjóðbankin, sum sigur, at helst fara renturnar at ganga niður aftur tá ávirkanin av korona farsóttini aftur fer at minka.
- Tey næstu árini kann tað væl vera, at inflatiónin fer upp, og tað ger, at renturnar fara sama veg, so vit náa kanska at fáa ein lúsing. Men tá øll ávirkan av farsóttini er horvin, kanska seint í 2023, er støðan ivaleyst aftur tann, at renturnar fara at ganga niður, hevur tjóðbankastjórin, Per Callesen, sagt.
Um tú veitst okkurt, sum VP ikki veit - skriva so til vp@vp.fo
