Rooney er ikki í enska landsliðshópinum sum er úttikin at leika móti Týsklandi tann 22. mars. Sostatt er Rooney heldur ikki liðsskipari á enska landsliðnum.
Tað sigur enski landsliðsvenjarin Gareth Southgate við The Guardian.
- Kappingin er hørð um nummar 10 og seinastu tveir dystirnar hava vit havt Dele Alli og Adam Lallana á plássinum og teir hava leikt serstakliga væl, og tað hevur Ross Barkley eisini gjørt. Allir hava eisini skorað fleiri mál fyri sítt felag, sigur Southgate.
- Rooney, sigur landsliðsvenjarin, er skuffaður, men skilti støðuna.
Um tú veitst okkurt, sum VP ikki veit - skriva so til vp@vp.fo