Tá ið heitt var á Pauline Harmange um at skriva sína fyrstu bók, helt hon, at bókin fór at verða keypt at nøkrum fáum.
Men nú endaði tað so við at bókin er vorðin samtaluevnið í Fraklandi.
Á síni bloggu hevði Pauline Harmange skrivað um millum annað feminismu, og innleggini fingu mikroforlagið Monstrograph til at heita á hana um at skriva bókina 'Moi les hommes, je les déteste' – á føroyskum: 'Menn, eg hati teir'.
Bókin, sum er umtalað í fleiri fronskum miðlum og í The Guardian, er vorðin eitt politiskt mál, eftir at ráðgevin um javnstøðu hjá fronsku stjórnini, Ralph Zurmély, hevur hótt við at fáa bókini burtur av hillunum, tí bókin sambært honum er ov hatafull.
Um tú veitst okkurt, sum VP ikki veit - skriva so til vp@vp.fo