Vaksinumótstøðufólk royndu í dag at storma tjóðartingið í høvuðsstaðnum í Slovaki, Bratislava, skrivar tíðindastovan Ritzau.
Sambært amerikansku sendistovuni í Bratislava eru samanbrestir við løgregluna uttanfyri parlamentið. Løgreglan hevur brúkt táragass til tess at steðga mótmælisfólkunum.
Fólk blokkeraðu inngongdina til parlamentið og kravdu at sleppa inn.
Fleiri róptu «gestapo» og «svikaráð».
Sambært slovenskum miðlum er ein løgreglumaður skaddur í samanbrestunum.
Orsøkin til ófriðin sigst vera at nýggjar koronuavmarkingar eru samtyktar í landinum, skrivar NRK.
Um tú veitst okkurt, sum VP ikki veit - skriva so til vp@vp.fo