Ikki fyrr enn ein sær, hvussu barnabørnini taka seg upp, fær ein at vita, um ein hevur uppalt síni børn væl
- Erich Maria Remarque

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Merkisdagar

Seigliga talan, og ófrávíkiliga ballið, saman við hvílandi smílinum, mála eina rættiliga eyðkennismynd av føðingardagsbarninum.

Ikki tí, far ikki skeivur. Aftanfyri seigliga og róliga verumátan býr eitt stálsett sinni, sum treiskast móti polittiska afturhaldinum.

Góði Rúni!

Tú hevur verið mær ein stórur og støðugur íblástur, øll hesi árini eg havi fingist við politikk.

Serliga er tað áhaldandi tjóðskaparliga seiggið, sum hevur verið bulurin, og javnan hevur tú hartað, og av røttum, tá kósin ikki hevur verið nóg miðvís, og flokkurin hevur fatlast ov nógv við mál, sum meitlaðu burturav grundsúlu floksins, frælsu føroyum. Takk fyri tað.

At tú eisini hevur verið hollur í ráðum um skipan av fiskivinnuni, er fullvíst. Altíð við lið fiskimansins, men við virðing fyri givnu náttúruviðurskiftunum.

Nú tú er givin á fasta arbeiðsmarknaðinum, verður helst aftur høvið hjá tær at vitja bárurnar, sum tú hevur balist á so stóran part av lívinum.

Lítið er at ivast í at har hevur tú trivist væl, tó at bæði Ørkin og Tórshavnar Havn hava notið væl av tíni stóru vitan og førleika.

Fiskiklógv, og væl lýddur sum skipari. Ikki altíð ein samanrenning sum klingar. Tó hjá tær hevur borið til.

Tað er kortini ikki løta av samskifti okkara millum, at ikki børn og abbabørn gerast partur av samrøðuni. Og tað sigur helst allarmest um føðingardagsbarnið, sum í dag fer um tey sjeyti.

Enn, sum áður, hevur tú Hildibeth við tína lið, og vónandi eiga tit nógvar góðar løtur fyri framman.

At eldri sonur okkara, hevur sama føðingardag, ger bara dagin tað minniligari.

Tíðarskeiðið har tú var løgtingsmaður, og eg landstýrismaður, valdir fyri Sandoyar Tjóðveldisfelag, stendur sum ein varði fyri meg.

Bestu kvøður á degnum, frændi.

Páll á Reynatúgvu

Um tú veitst okkurt, sum VP ikki veit - skriva so til vp@vp.fo