Myndugleikarnir í ukrainska landspartinum Zaporizjzja, sum eru vinarliga sinnaðir mótvegis Russlandi, hava stovnað eina nýggja fyritøku, sum skal keypa hveiti frá ukrainskum bøndrum og selja hana víðari vegna Russland. Tað upplýsir guvernørurin í landspartinum, Jevhen Balytskyj.
- Hveitin skal koma frá ukrainskum bøndrum, segði russiskt vinarliga sinnaði guvernørurin, men onki verður sagt um, hvussu nógv bøndurnir fáa fyri hveitina.
Ukraina hevur áður ákært Russland fyri at stjala ukrainska hveiti og selja hana á heimsmarknaðinum.
Um tú veitst okkurt, sum VP ikki veit - skriva so til vp@vp.fo