Russiski journalisturin, Marina Ovsjannikova, sum stormaði tíðindasendingina á russisku statsrásini Kanal 1, fær eina bót á 1900 krónur.
- Eg vil fegin takka øllum fyri stuðulin. Vinum og starvsfeløgum. Hetta hava verið nakrir strævnir dagar í minum lívi. Eg havi ikki sovið í tveir dagar. Eg varð avhoyrd í yvir 14 tímar, sigur Marina Ovsjanniska sambært BBC.
Hon ákærur samtíðis russiskar myndugleikar fyri ikki at loyva henni advokathjálp, skrivar DR.DK.
- Myndugleikarnir loyvdu mær ikki at fáa juridiska hjálp. Tað var ikki lætt hjá mær, sigur hon.
Sambært BBC er Marina Ovsjanniske dømd bótina fyri video, hon legði út áðrenn stuntið í beinleiðis tíðindasendingini. Í videoupptøkuni eggjar hon til at finnast at innrásini hjá Russlandi í Ukraina.
Um tú veitst okkurt, sum VP ikki veit - skriva so til vp@vp.fo