Seinnapartin í dag hevði russiski forsetin fund við umboð fyri landsins bilídnað.
Orsøkin var tað Putin sjálvur umtalaði sum eitt «munandi fall» í søluni av bilum higartil í ár, skrivar Reuters.
Sambært tølum frá Association of European Businesses (AEB) fall sølan av russiskum bilum við 83,5 prosentum í mai. Orsøkin er millum annað sanksjónirnar sum gera tað trupult hjá framleiðarunum.
- Eg fari at biðja stjórnina greiða okkum neyvt frá hvørji tiltøk verða sett í verk beinanvegin til tess at stuðla bilídnaðinum og stabilisera innanhýsis marknaðin, segði Putin, sambært Reuters, skrivar norski Børsen.
Í morgin skal Putin halda eina «sera týðani» talu.
Um tú veitst okkurt, sum VP ikki veit - skriva so til vp@vp.fo