Onnur tíðindi
Stutt eftir at Russland hevur boðað frá, at hernaðarvenjingin nærhendis ukrainska markinum er av, verður nú boðað frá eini nýggjari venjing, hesaferð í Barentshavinum, norðanfyri Noreg.
Við miðilin Barents Observer sigur Elisabeth Eikeland frá norsku verjuni, at venjingin er í einum øki sum røkkur frá oynni Kolgujev við íshavsstrondina, um Kolahálvoynna og Bjarnoynna ímillum Svalbard og Norðurhøvda (Nordkap).
Venjingin heldur fram til Leygardagin, og øll sivil ferðsla har á leiðini hevur fingið boð um at halda seg burtur, verður sagt.
Bæði skip, kavbátar og flogfør eru við í venjingini.
Um tú veitst okkurt, sum VP ikki veit - skriva so til vp@vp.fo
