Russar viðganga nú á fyrsta sinni, at teir hava mist munandi nógvar hermenn eftir innrásina í Ukraina. Seinasta talið, russar hava nevnt, er frá síðst í mars, tá søgdu teir, at umleið 1.350 vóru falnir og umleið 3.800 særdir. Men sambært týskum fregnartænastukeldum er talið nógvar ferðir størri. Hagani verður sagt, at minst 10.000 russiskir hermenn eru falnir.
Dmitrij Peskov, sum í nógv ár hevur verið talsmaður hjá Kreml, segði við Sky News, at russar hava mist nógv fólk, og at talan er um eina vanlukku fyri landið.
Um tú veitst okkurt, sum VP ikki veit - skriva so til vp@vp.fo