Ein rútur í stýriborði brotnaði, tá Erla Kongsdóttir var á veg úr Nólsoy til Havnar í morgun. Erla vendi við og setti øll fólkini í land aftur í Nólsoy.
Eini 30 fólk vóru við, tá óhappið hendi.
Hetta er aðruferð at rútur er brotnaður á Erlu Kongsdóttir, og tá lá skipið í fleiri vikur, til tað var umvælt. Tá varð sagt, at nýggir rútar av betri tilfari skuldu setast í.
VP frættir, at tað var ongin dramatikkur umborð, tá rúturin brotnaði. Rúturin var lamineraður, so hol kom ikki á. Men ferðafólkini hava fingið at vita, at ferjan siglir ikki meira fyribils. Tey hava ikki enn fingið at vita, hvør ferja so fer at sigla.
Rúturin sum brotnaði í morgun er ikki ein av rútunum sum áður er brotnaður.
Um tú veitst okkurt, sum VP ikki veit - skriva so til vp@vp.fo
