Talan er um egg frá framleiðaranum DANÆG A/S. Framleiðarin hevur fleiri garðar, sum hava ymiskan framleiðsluform, tískil fevnir afturkallingin um fleiri sløg av eggum, sigur Heilsufrøðiliga.
Talan er tó bert um egg, sum eru stemplaði við tølunum 081131 aftaná DK á eggunum, sum eru afturkallaði.
Vøran er seld í føroyskum handlum, og eigur at verða latin inn aftur.
Um salmonellu verður sagt: Tað er vandi fyri smittu við salmonellu. Ein verður ikki sjúkur av salmonella, um matvøran er ordiliga gjøgnum hitað og ein hevur góðar køksvanar. Sjúkueyðkenni eru diarré, búkpína, febur, ilt í høvdinum og møguliga kvalmi og spýggja. Ein kann vera sjúkur í nakrar fáar dagar og upp til fleiri vikur. Um sjúkan gerst álvarsom ella er leingi, kann tú venda tær til egnan lækna ella læknavaktina.
Um tú veitst okkurt, sum VP ikki veit - skriva so til vp@vp.fo
