Virðingin fyri starvsfólkunum á eldraøkinum kundi ikki verið størri enn hon er júst nú. Tað er heilt ótrúliga rørandi og lívsjáttandi at síggja hvussu starvsfólkini innan eldraøkið hava traðkað í karakter hesa seinastu tíðina.
Hóast øll onnur í mest møguligan mun, skulu halda seg innandura, so eru starvsfólkini á eldraøkinum enn meiri til arbeiðis nú Covid-19 herjar.
Átøkini ið VEKS hevur gjørt, hava havt við sær skfitandi arbeiðstíðir, nógvar broytingar og munandi tyngri arbeiðsdagar.
Tit starvsfólk gera tykkara arbeiði fantastiska væl og eiga stóra tøkk og stórt rós uppiborðið.
Somuleiðis skal ein tøkk eisini berast teimum 78 sum arbeiða á barnaansingarøkinum, og sum hava bjóðað seg fram til at traðka til innan eldraøkið, um hetta gerst neyðugt.
Tað er umráðandi at vit lyfta í felag.
Jógvan í Skorini
Stýrisformaður í VEKS
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
