Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Merkisdagar

Tann 9. apríl 1980 fluttu fyrstu fólkini inn at búgva. Í húsunum vóru 4 búeindir, har 12 fólk búðu í hvørjari eind, og hvør eindin hevði sín leiðara.

 

Hetta vóru fyrstu hús, bygd vóru í Føroyum til sálarliga menningartarnað fólk.

 

Tey fyrstu, sum fluttu inn, høvdu búð á stovni í Danmark og komu til Føroyar aftur síðst í apríl í 1973, har tey tá fluttu inn í nýbygdu deild 5 á Sth., sum eina fyribils loysn.

 

Eirargarður 16A var fyrsta búeindin, sum læt upp, og leiðarin var Ragnhild Dahl, sum hevði lært niðri á Rødbygaard og tí kendi øll búfólkini.

 

Vit kunnu siga, at húsini á Eirargarði 16 standa sum ein varði, ið sigur komandi ættarliðum, at vit í Føroyum í 1980 vóru til reiðar at hýsa fólkum, sum vóru ófullfør, í sínum egna bústaði. Teimum, sum fyrr vóru send av landinum, sum sjálv ynsktu at koma heim aftur, ella teirra avvarðandi ynsktu tað.

 

Vit kunnu nú siga tykkum, sum búgva í sambýlinum á Eirargarði hjartaliga til lukku við degnum 9. apríl.

 

Eisini nýta vit høvi at heilsa og takka tykkum øllum, sum hesi árini hava starvast á Eirargarði 14 og 16.

 

Og vit minnast búfólk og starvsfólk, sum farin eru.

 

Helena og Hanus Samuelsen

 

Um tú veitst okkurt, sum VP ikki veit - skriva so til vp@vp.fo