Tað hevur verið av ringasta veðri í nátt, og samferðslan hevur verið og er nógv tarnað.
Tað frættist frá nógvum bilum sum standa fastir, og mugu hava hjálp fyri at koma víðari. Serliga í Havn, á Argjum og Hoyvík, har nógv fólk búga og skuldu frá húsum í morgun, gekst ikki sum ætlað, tí tað var ikki koyrandi fyri fannum sum lógu á vegunum.
Sambært ssl.fo eru nógvar avlýsingar, bæði á oyggjleiðum og bygdaleiðum. Flogferðslan er nógv tarnað, og flogfør eru avlýst ella útsett, meira sæst um tað á fae.fo.
Nakað er eisini frætt frá vindskaðum kring landið, eitt nú í Kvívík, Klaksvík, Eiði og Fuglafirði, har tekjur hava rivið í vindinum.
Í fleiri bygdum í Sundalagnum, eitt nú Hvalvík, Hósvík og Streymnesi, frættist frá streymsliti í morgun.
Um tú veitst okkurt, sum VP ikki veit - skriva so til vp@vp.fo
