Í gjár boðaði stýrið fyri Samhaldsfasta frá, at útgjaldið hækkar 800 krónur um mánaðin, og nú boðar almannaráðharrin frá, at útgjaldið hækkar 900 krónur um mánaðin.
Í gjár sendi stýrið fyri Arbeiðsmarknaðareftirlønargrunnin soljóðandi skriv út:
- Stýrið fyri Arbeiðsmarknaðareftirlønargrunnin hevur tí samtykt at hækka eftirlønina úr grunninum við 800 kr. afturat um mánaðin í 2016 soleiðis, at útgjaldið í 2016 verður 3.910 kr. um mánaðin ella 46.920 kr. um árið.
Og í grein beint nú sigur Eyðgunn Samuelsen, almannaráðharri:
- Nú tað er fráboðað, at útgjaldið úr Samhaldsfasta hækkar 900 krónur um mánaðin fyri 2016.
Eyðgunn Samuelsen sigur í frágreiðing til hetta, at tað áður er fráboðað ein hækking frá 1. januar á 100 kr og tað gevur 900 tilsamans.
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo