Nú er tað Mariupol og Butsja, men fyri 20 árum síðani var tað Groznyj. Russiski brutaliteturin sæst aftur frá Tsjetsjenia-krígnum, halda serfrøðingar.
Framferðarhátturin at oyðileggja alt eftir seg, ræna og drepa sivil, er ikki nakar nýggjur framferðarháttur.
– Týningarhugurin er sera líkur. Oyðingin av Mariupol í Ukraina er tann sama sum í Groznyj í 1999–2000, sigur Pavel Baev, professari í PRIO, skrivar VG.
– Tað eru eisini munir, men annað er sera líkt. Søgan endurtekur seg, sigur Baev.
Hann undirstrikar at tað var Tsjetsjenia-kríggið sum fekk Putin til valdið og sum legði grundina undir leiðaranum tann óroyndi Putin fór at gerast.
– Nú er Putin farin í kríggj móti Ukraina uttan at kenna munin. Tsjetsjenia-kríggið var ein stórur sigur, og nú vil hann hava ein nýggjan sigur. Men hesaferð fór hann skeivur, sigur Pavel Baev.
Um tú veitst okkurt, sum VP ikki veit - skriva so til vp@vp.fo
