Vit ávirka ikki vindættina, men kunnu ofta seta seglini til rætta kós
- Dolly Parton

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tiltøk

Danski serfrøðingurin og professarin, Claus Vinther Nielsen, luttekur á almenna fundinum, “Hvussu skipa vit rehabilitering í Føroyum”, sum Sambandsflokkurin skipar fyri, hósdagin 25. oktober, kl. 09.00-12.00 - í Norðurlandahúsinum. Har fer hann at umrøða rehabiliteringsskipanina í Danmark og hvørjar ætlanir eru um menning á økinnum.

Bárður S. Nielsen, formaður í Sambandsflokkinum bjóðar vælkomið og innleiðir almenna fundin.

Á fundinum fer Claus Vinther Nielsen, professari, MD, PhD Klinisk Socialmedicin og Rehabilitering, Insti­tut for Folkesundhed, Aarhus Universitet, at legjga fram og greiða frá rehabiliteringsskipanini í Danmark og ætlanum um menning. Claus er eisini formaður í Rehabili­terings­forum Danmark.

Á fundinum fer Claus Vinther Nielsen at greiða frá sínum royndum sum formaður í Rehabiliterings­forum Danmark, har hann m.a. hevur ábyrgdina av at:

·         Skapa netverk fyri at menna rehabilitering í Danmark

·         Viðvirka til, at rehabiliteringstilboðini í Danmark betrast

·         Røkja danska limaskapin í Rehabilitation International

·         Umboða tann hægsta fakkunnleikan innan fyri rehabiliteringsøkið

·         Skjalfesta búskapaligu virðini av rehabilitering, herundir tað búskaparliga virðið av at viðgera einstøk menniskju

·         Viðvirka til, at kjakið um rehabilitering verður styrkt

·         Ávirka soleiðis, at rehabiliteringsútbúgvingar fáa best møguligt innihald og eisini, at settar verður á stovn læknaligar sergreinar innan rehabilitering

Á fundinum fer eisini Rósa Samuelsen, fyrrv. løgtings- og landsstýriskvinna at greiða frá sínum royndum innan rehabilitering við denti løgdum á politisk sjónarmið og loysnir, og fer hon eisini at leggja fram ítøkilig lógaruppskot um rehabilitering.

Harafturat fer Sólbjørg Frederiksberg, fysioterapeutur, at greiða frá tørvinum á rehabilitering í Føroyum, herundir um, hvussu verandi rehabilitering virkar og ikki virkar í praksis.

Les meira: Skrá fyri almenna fundin um rehabilitering í Føroyum

Les meira: Lýsing av almenna fundinum um rehabilitering í Føroyum

Sambandsflokkurin

Um tú veitst okkurt, sum VP ikki veit - skriva so til vp@vp.fo