Ein heldur sjaldsom sjón møtti havnarfólki sum vóru á veg í kirkju í morgum. Ein ær við lambi gekk í havnargøtum, og politiið fekk fráboðanir bæði úr dr. Jacobsensgøtu og J. Paturssonargøtu frá fólki, sum ikki vistu, hvør átti seyðin og hvussu hann var komin har at ganga.
- Helst er hann sloppin út av onkrari trøð, vit vita ikki, um talan er um sama seyð sum fráboðanir eru komnar um, men talan er í øllum førum um eina ær við lambi, upplýsir vakthavandi.
Kommunan hevur aktingarmann ið tekur sær av slíkum, og politiið roynir nú at fáa samband við viðkomandi.
Um tú veitst okkurt, sum VP ikki veit - skriva so til vp@vp.fo