Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Nú Landsstýrið og Tórshavnar kommuna framvegis ikki kunnu semjast um staðsetingina av nýggjum Tjóðleikhúsi, er tað einki meira upplagt enn at hyggja norður í Sundalagið.

Við Áir eru stórar ætlanir um at byggja eitt nationalt Sjósavn saman við Hvalastøðini við Áir. Tjóðsavnið hevur stórfingnar ætlanir, sum vit í Sunda kommunu taka fult og heilt undir við. Sjálvandi kann eitt Tjóðleikhús staðsetast saman við hesum maritima savns- og upplivingardeplinum mitt í landinum, í smørholinum í Sundalagnum.

Økið er longu til tað, og byggisamtyktin er longu broytt til at hýsa almennum stovnum. Møguleikarnir á staðnum eru framúrskarandi, bæði til at hýsa bygningum, atknýttum virksemi sum ráðstevnuhotelli, matstovu – møguliga enntá KOKS ella líknandi, eins væl og ferðavinnusamskipandi skrivstovu.

Staðseting og vilji eru longu til at fáa øll hesi tingini at ganga upp í eina hægri eind.

So sjálvandi skal Tjóðleikhúsið liggja í Sundalagnum, har tað er skjótt og lætt koyrandi til úr øllum Føroyum.

Rógvi Nybo
Formaður í Teknisku nevnd í Sunda kommunu

Um tú veitst okkurt, sum VP ikki veit - skriva so til vp@vp.fo