Fyribils leigusáttmálin sum Sjóvinnustýrið hevur nú um hølini við Flogvøllin gekk út tann 1. november í fjør, men enn hevur Sjóvinnustýrið ikki funnið nakað høli í Vágum.
Og stjórin Hans Johannes á Brúgv hevur ikki góðar vónir um at finna nakað høli í Vágum, sigur hann við VP.
- Vit hava verið runt í oynni og hugt, men enn hava vit ikki funnið nakað høli til eina permanenta loysn, sigur hann.
Spurdur um hetta so merkir, at Sjóvinnustýrið kanska er á veg aftur til Havnar, sigur Hans Johannes á Brúgv, at politiski viljin er, at Sjóvinnustýrið er í Vágum, so tí leita vit eftir eini loysn her.
- Havnin liggur ikki enn í kortunum, men tað er givið, at tað hevði verið lættari at funni eini høli í Havn, har vit frammanundan eisini hava virksemi.
Sjóvinnustýrið hevði ein bygning til leigu í mong ár í Miðvági, men tann sáttmálin var uppsagdur. Upp á tal var eisini at keypa henda bygningin, men sambært stjóranum, so hevði hetta verið ein dýr loysn.
Um tú veitst okkurt, sum VP ikki veit - skriva so til vp@vp.fo
