Vit vóru so errin av sjúkrarøktarfrøðingunum í vár, - men tøkkin tey fáa er null prosent. Tað kann ikki vera rætt.
Sjúkrarøktarfrøðingar hava ábyrgd av mannalívum. Tí er tað eisini vandamikið, tá tær fara í verkfall. Men verkfall er einasta vápn, ið sjúkrarøktarfrøðingar hava, um tey skulu fáa meira í løn.
Vit vóru øll so errin av teimum í vár, tí tey stóðu á odda í koronustøðuni. Herklappini, ið sjúkrarøktarfrøðingar fingu, vóru nógv. Men tað ber ikki til at forsyrgja einari familju við einum herðaklappi.
Vit eiga at vísa teimum, at vit framvegis eru errin av teimum, og tí skulu sjúkrarøktarfrøðingar hava eina góða løn.
Beinta Løwe, tingkvinna, Tjóðveldi
Um tú veitst okkurt, sum VP ikki veit - skriva so til vp@vp.fo
