Á felagsfundi hava sjúkrarøktarfrøðingarnir í norðurlondum samtykt yvirlýsing sum tekur støði í royndunum ið eru komnar burturúr farsóttini.
Sagt verður millum annað, at covid-19 hevur lært heilsustarvsfólk nógv um, hvussu samfelagið virkar í kreppustøðu, og hvussu heilsuverkið virkar undir so álvarsligum trýsti.
Men fleiri avbjóðingar vóru eisini:
- Til dømis kundu sjúkrarøktarfrøðingar vera noyddir at taka avgerðir um, nær ein doyggjandi sjúklingur var nóg sjúkur, til at loyva honum vitjan.
- Sjúkrarøktarfrøðingar vilja verða stoltir av faki sínum. Ikki sum hetjur, men sum dugnalig fakfólk, ið eru har fyri sjúklingarnar. Nú samfelagið letur upp, og farsóttin framhaldandi herjar, er tað neyðugt at vit tosa um royndir okkara, so vit læra av søguni, og fyrireika okkum til framtíðina, eisini tá tað snýr seg um yrkisliga tilbúgving, verður millum annað sagt í yvirlýsing.
Um tú veitst okkurt, sum VP ikki veit - skriva so til vp@vp.fo
