Skúli
Í góðveðrinum í morgun runnu næmingarnir á Skúlatrøð árligu skúlarenningina.
Umleið 800 næmingar ganga á Skúlatrøð, og í morgun runnu tey skúlarenning saman á fyrsta sinni. Hetta er nevniliga fyrsta skúlarenningin síðan samanleggingina av skúlunum.
Eftir fyrstu skúlatímarnar í morgun var upphiting í ovara skúlagarði, áðrenn næmingarnir runnu út eftir Oyravegnum. Eftir renningina vórðu tey skrásett í Miðhøllini, og fingu so okkurt lekkurt at byrja vikuskiftið við.
Flestu næmingarnir runnu longsta túrin av teimum trimum møguligu, men enn er ikki samantalt, hvussu nógvar kilometrar, tey runnu tilsamans.
Um tú veitst okkurt, sum VP ikki veit - skriva so til vp@vp.fo
