Antin Rishi Sunak ella Liz Truss, sum fingu flest atkvøður frá teimum konservativu limunum í lóggávutinginum, skulu avloysa Boris Johnson.
Tað gjørdist greitt í dag eftir at Penny Mordaunt reyk út sum valevni.
Rishi Sunak fekk 137 atkvøður frá floksfeløgunum í Parlamentinum, meðan Liz Truss fekk 113 atkvøður. Mordaunt fekk 105 atkvøður, og er tí ikki við í stríðnum nú.
Sostatt kláraði flokkurin at hava finalistarnar klárar áðrenn Parlamentið fer í summarfrí hósdagin.
Og hvør av teimum sum verður formaður í konservativa flokkinum og harvið forsætisráðharri, fæst at vita tann 5. september.
Former British finance minister Rishi Sunak and Foreign Secretary Liz Truss made it through to the final stage of the leadership contest to replace Prime Minister Boris Johnson https://t.co/lYwjLKfWHC pic.twitter.com/BiHLjT4ePV
— Reuters (@Reuters) July 20, 2022
Um tú veitst okkurt, sum VP ikki veit - skriva so til vp@vp.fo
