Jørgen Niclasen, landsstýrismaður, hevur sent kunngerð til hoyringar, so sniðbroyttir bilar eisini kunnu skrásetast sum ellisakfør.
Í oktober mánað í fjør var grein í IN.FO, í sambandi við at Sofus í Horni Hansen, Halleluja-Sofus, hevði víst á trupulleikan, at hann ikki fekk sínar umbygdu bilar skrásettar, tí Akstovan vil ikki góðkenna teir sum ellisakfør.
Tá segði Jørgen Niclasen, landsstýrismaður, sum hevur ábyrgdina av Akstovuni, at hann ikki visti um trupulleikan, men at tað ljóðar órímuligt.
- Eg havi sæð bilarnar hjá Sofusi, sum eg meti sum rein listarverk. Um bilarnir rigga sum teir skulu og kunnu ganga gjøgnum sýn, so eiga teir sjálvandi eisini at kunna skrásetast sum ellisakfør, segði Jørgen Niclasen tá.
Um tú veitst okkurt, sum VP ikki veit - skriva so til vp@vp.fo
