Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Skúli

Fróðskaparsetrið: Umleið fjórða hvønn mikudag fara starvsfólk á Søgu- og samfelagsdeildini at leggja fram aktuella gransking fyri øllum, sum hava áhuga.

Tiltakið hevur fingið heitið “Fróðskaparflísin” og fer fram í døgverðasteðginum millum klokkan 12 og 13. Øll eru vælkomin, og tað ber væl til at eta sína tvíflís ella skerpikjøt, meðan lurtað verður.

Fyrsta framløgan er á skránni nú mikudagin 16. mars kl. 12.05-12.50.

Tá fer Tróndur Møller Sandoy, ph.d.-lesandi í búskaparfrøði, at leggja fram nýggja og slóðbrótandi gransking um, hvussu netverk og sosial sambond ávirka tína yrkisleið, og hvussu tín hugur og tíni evni at "netverka" mynda tína framtíð, tá tað snýr seg um inntøku og starvsmøguleikar.

Tróndur hevur saman við øðrum granskarum kannað allar árgangir á Copenhagen Business School frá 1986 til 2006 fyri at vita, hvørja ávirkan sosial sambond hava fyri teirra yrkisleið í longdini.

Hvør gekk í flokki við hvørjum? Og hvar eru tey í dag?

Úrslitini vísa m.a., at lesandi í somu flokkum í nógv størri mun arbeiða á somu fyritøkum og enntá á somu skrivstovum fimtan ár eftir loknan lestur.

Vælkomin til Føroya fyrstu fróðskaparflís nú mikudagin kl. 12.05 á veghæddini á Søgu- og samfelagsdeildini í Jónas Broncks Gøtu 25 í Havn.

Um tú veitst okkurt, sum VP ikki veit - skriva so til vp@vp.fo