Á nevndarfundi í Sørvágs Arbeiðarafelag sunnudagin 30. jan. var fylgjandi samtykt !
Frá 1. mai í ár skal ikki longur trekkjast 1.5% á lønarseðlunum hjá felagslimum til Trygdargrunn.
Gjaldið verður ístaðin umlagt til eitt fast gjald kr. 300,- pr. mdr.
Sørvágs Arbeiðarafelag kemur eftir 1. mai sjálvt at gjalda helmingin av trygdargrunninum fyri felagslimirnar.
Tað verður soleiðis at, felagið betalur teir 6 mánaðirnar, frá 1. nov.- 1. apríl.
Felagslimirnir koma so sjálvir at gjalda hinar 6 mánaðirnar, frá 1. mai til 1. okt.
Hettar vil siga at, árligi kostnaðurin hjá felagslimunum fyri trygdargrunnin verður kr. 1.800,- pr. ár.
Hendan afturberingin kemur at kosta felagnum uml. 70% av yvirskotinum. Og tað passar væl til ta fagligu linjuna sum nevndin vil føra framyvir. Nevniliga at felagið ikki longur skal hava nevniverdugt yvirskot á árliga roknskapinum. Tí áogn felagsins er ríkiliga stór.
Uppskotið um hettar skal verða klárt at leggja til viðtøku á eykaðaðalfundi felagsins tann 25. mars í ár.
N.B. Fakfelagsgjald gevur ikki frádrátt í skattinum. So at hendan afturberingin frá felagnum til felagslimirnar eigur at verða óskatta. Men tað tekniska í hesum skal tó avklárast við Taks. Hettar skal verða klárt til 25 mars í ár.
Nevnd Sørvágs Arbeiðarafelags
n.v. Runi Nolsøe Form.
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
