Tórshavnar kommuna: Forkunnugur fundur var í gjár á ráðhúsinum, tá dómpróstur saman við flestu av sóknarprestunum í Tórshavnar kommunu komu á vitjan hjá borgarstjóranum.
Fólkakirkjan ræður sær sjálvari, men kortini eru mong áhugamál til felags við kommununa.
Borgarstjórin nýtti í hesum sambandi høvið at greiða frá menningini í kommununi. Eisini tók hann fram arbeiðið at væla um kirkjugarðskapellið og økja um sitiplássið har, eins og fríðkan og planting við kirkjurnar. Arbeiðið at gera nýggja kirkjugarðsleið í Hoyvík niðan Dalin Langa er eisini í gongd.
Eisini dómpróstur og sóknarprestarnir tóka fram ymiskt av felags áhuga. Kirkjustovan, fyrr nevnd Arnes Minde, verður í løtuni umbygd. Hetta arbeiðið er vorðið meira umfatandi enn mett. Eisini varð greitt frá nýggjum kirkjuligum tænastum í Havn, har dentur er lagdur á sosialt virksemi og eldri, sum búgva heima.
Reglugligar gudstænastur eru á eldrabústovnunum í kommununi. Her gjørdu prestarnir vart við, at á nøkrum stovnum kundu ljóðviðurskiftini gerast betur.
Prestarnir høvdu eisini á orði, hvussu væl kirkjugarðarnir í kommununi eru skipaðir og við dugnaligum starvsfólki.
Fundurin endaði við, at borgarstjórin og dómpróstur saman við sóknarprestum hava árligan fund um felags mál.
Um tú veitst okkurt, sum VP ikki veit - skriva so til vp@vp.fo