Um tú ikki kanst føða 100 munnar, byrja so við einum
- Móðir Teresa

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vinna

Felagið Nótaskip: Nú hevur makrelurin aftur verið á skránni seinastu vikurnar. KVF, politikarar og búskaparfrøðingar hava givið fatan av, at vøksturin í føroysku makrelkvotuni fyrst og fremst er farin til nótaskipini.

Hetta er ikki rætt.

Fram til 2009 áttu Føroyar 5,47% av heildarkvotuni, sum ES, Noreg og Føroyar settu sær.

Í miðal t.d. árini frá 2006 til 2008 áttu nótaskipini 3,22% av føroysku kvotuni, meðan 2,25% vóru brúkt til at geva øðrum londum í býti við botnfisk.

Í makrelavtaluni frá 2014 millum ES, Noreg og Føroyar hækkaði føroyska kvotan upp í 12,6% av heildarkvotuni.

Í 2020 fáa nótaskipini 4,01% av føroysku kvotuni, meðan 2,21% verða brúkt til at geva øðrum londum í býti við botnfisk.

Teir, sum brúktu makrelkvotuna áðrenn 2010, fáa sostatt tilsamans 6,22% av makrelkvotuni í 2020.

Hini 6,38% av føroysku makrelkvotuni verða latin øðrum skipabólkum ella brúkt til onnur endamál, sum víst í talvuni niðanfyri:

##med2##

Aðrir skipabólkar fáa nú 3,51% av av føroysku kvotuni upp á 12,6%.

1,84% verða brúkt til menningarkvotur og vinnuligar royndir og verkætlanir, 3 og 8-ára uppboðssøluloyvir fáa 0,56%, meðan 0,47% verða brúkt til vísindaligar kanningar og gransking.

Nótaskip og onnur lond fáa í 2020 sostatat 0,75%  meira, enn tey fingu, áðrenn føroyska makrelkvotan varð hækkað.

Um tú veitst okkurt, sum VP ikki veit - skriva so til vp@vp.fo