Sólvit E. Nolsø, landsstýrismaður í almannamálum, hevur í dag verið á vitjan hjá Bústøðum. Anna Maria Joensen, forkvinna í stýrinum og Andras Róin, stjóri, tóku í móti og vístu landsstýrismanninum runt, og greiddu frá virkseminum hjá Bústøðum.
Bústaðir hevur seinastu árini bygt út ímóti 400 búeindir, nakrar verkætlanir eru í gerð, og aðrar eru ávegis.
- Tað er spennandi at hoyra um alt virksemið og ætlanirnar hjá Bústøðum. 2021 lagaði seg soleiðis, at tað kann tykjast sum, at tað ikki hendi eins nógv og ætlað.
- Nú síggi eg fram til, saman við pørtunum, at rættilig ferð kemur aftur á byggingina, sigur Sólvit E. Nolsø, landsstýrismaður.
Um tú veitst okkurt, sum VP ikki veit - skriva so til vp@vp.fo