Tá eg var 15, helt eg pápa vera ein dumman hund. Men hann hevur tikið seg nógv fram tey seinastu 10 árini
- Mark Twain

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vágatíðindi

Sørvágs Bio, Dansistovan, SUF-disk, Wildwest og Klondyke. Mong eru nøvnini hjá kærum barni, hvar finna vit leið til felags stev?

Longu í 80’unum varð gjørt uppskot til dagføring av Sørvágs Bio. Umbiðið av Sørvágs Tónleikarfelag við fleiri, vóru her hølir til venjingar, veitsluhøli, skótar og smáfeløg, høli til biograf og sjónleik - við skránandi gólvi og sminkurúmi og - lift!

Sum nakað serstakt vóru skiftirúm og brúsir til SÍ eisini við í projektinum.

Seinni eru fleiri uppskot gjørd, men stendur hettar mær sterkast.

Kenni ikki søguna um hví hettar projektið ikki fekk betur lagnu, men vit kunnu bara staðfesta at hettar uppskotið saman við øllum hinum eru vigað til ov lætt at vera.

Undirtøkan varð ikki stór nokk til eldsálirnar ið tá vóru. Søgan hevur endurtikið seg nakrar ferðir og nú standa vit her við einum bygningi sum rópar varðskó. Hampa tit meg ikki, detti eg niður av mær sjálvum!

Sum kunnugt er ikki semja í bygdarráðnum um leið til felags stev. Av einum minniluta í vinnunevndini, verður skotið upp at heita á lærd, um at koma við uppskoti um eina multifunktionella bygdarráðsskrivstovu á staðnum, at leggja fyri fólkið og so taka vit dansistovuna niður.

Eg takið ikki undir við hesum uppskotinum.

Skulu vit hava nakra gleði av eini hugskotskapping má hon fevna um meir, enn her talan er um.

Hendan setan í bygdarráðnum er um at verða lokin. Ein hjálp til komandi bygdarráð kundi verið at skriva út eina hugskotskapping til leik og lærd um skipan og møguleikar í øllum miðstaðarøkinum.

Hvussu skipa vit økið við leikvølli, ítróttarhøll, innandurað spælihúsi, camping og country.

Hvussu samskipa vit økið við skúla, kirkju, bygdarráðsskrivstovu og bygdina annars. Hvussu skipað vit høvuðsferðsluna til og úr økinum.

Hvussu skipa vit økið, við ella uttan Sørvágs Bio?

Livst so spyrst!

Jákup á Stongum

Um tú veitst okkurt, sum VP ikki veit - skriva so til vp@vp.fo