Tað eigur ikki at koma óvart á nakran journalist, politikara ella onnur við áhuga fyri málinum, hvør ein av keldunum er til útsøgnina um, hvørt Sosialurin er ein viðleikari í málinum um Bjarna Hammer ella ikki, tí Sosialurin skrivar tað í egnum greinum.

Tey bæði sum skriva eru Eirikur Lindenskov, blaðstjóri, og Barbara Holm, tíðindaleiðari.

Til dømis skrivar Sosialurin í greinini: - Eg hevði kunnað skaffað hassj, í brotinum Morgunballið:

- Men løgreglan yvirtekur ikki málið beinan vegin - heldur er narkodeildin á síðulinjuni og fylgir við í tí, sum Sosialurin og keldurnar gera ....

Tað næsta brotið, sum sigur okkum um leiklutin hjá Sosialinum, er í greinini: Tí siga vit søguna.

- Vanliga siga vit miðlar frá og avdúka við at grava í farnum hendingum, men í hesum førinum hevur Sosialurin átikið sær leiklutin sum viðleikari .....

- So eftir ráðgeving frá løgfrøðingi hjá Sosialinum og eftir nógva umhugsunartíð valdu vit heldur at átaka okkum leiklutin at sjálvi finna fram til sannleikan hesum viðvíkjandi og samstundis spara okkara keldur – sum í flestu førum eru ung fólk ...

Les eisini:

Helst talan um eitt "sett up" hjá tíðindaleiðaranum í Miðlahúsinum