Í 2021 hevur B&U økið (Barna & Ungdómsøkið) saman við dagstovnaleiðarum sett “Spæl við” á breddan. Ymisk tiltøk hava verið gjøgnum alt árið, og eindirnar B-A-R-N hava arbeitt og evnað innsløg til allar stovnar at brúka.
Tiltøkini fevna um spennandi spælirannsóknir, har børn og starvsfólk kunnu fordjúpa seg. Hesi tiltøk røkka langt inní framtíðina og kunnu “útbyggjast” ella verða brúkt sum íblástur á stovnunum.
Í dag er so “Spæl við-ráðstevnan” á skránni, har gransking og vitan verður miðlað. Og salurin uppi á Hotel Føroyum er fullur við væluppløgdum starvsfólkum, ið aktivt lurta og inntaka vitan.
“Spæli við” átakið er beinleiðis sprottið úr B&U politikkinum hjá Tórshavnar Kommunu, sum virðismetir spælið sum eitt gott og neyðugt ískoyti til samfelagið, ið tryggjar, at vit á bestan hátt búgva børnini og tey ungu til avbjóðingar í framtíðini.
Um tú veitst okkurt, sum VP ikki veit - skriva so til vp@vp.fo
