Spanski forsætisráðharrin, Pedro Sanchéz, hevur í dag heitt á spanska tjóðartingið um at geva ymsu landspørtunum víðkaðar heimildir til at seta herða tiltøkini ímóti korona enn meira. Eitt nú skulu teir kunna seta í verk útigongubann um náttina. Heimildin skal vara til mai mánað næsta ár.
Hetta skriva fleiri miðlar í Madrid, eitt nú dagblaðið El Pais.
Eisini skal tað forbjóðast fólki at ferðast ímillum ymsu landspartarnar.
Í Europa hava bæði Frankaríki og Spania nú fleiri enn eina millión tilburðir. Í Madrid, sum fyri tveimum vikum síðani var harðast rakti býurin í Europa, vórðu tiltøkini herd nógv 9. oktober. Í vikunum áðrenn tað var talið av smittaðum 723 fyri hvørjar 100.000 íbúgvar.
Um tú veitst okkurt, sum VP ikki veit - skriva so til vp@vp.fo