Sosialdemokratarnir sigraðu á valinum til samveldistingið í Týsklandi, meðan systurflokkarnir CDU/CSU fingu eitt søguliga vánaligt úrslit.
Sosialdemokratiski flokkurin SPD fekk 25,7 prosent av atkvøðunum, meðan konservativu syhsturflokkarnir CDU/CSU fingu 24,1 prosent.
Tað skrivar týska tíðindastovan dpa tíðliga í morgun.
Sammett við valið í 2017 hevur SPD eina framgongd á umleið fimm prosentstig, meðan CDU/CSU fingu sítt ringasta valúrslit síðani Seinna Heimsbardaga.
Bøði Scholz og Laschet eru samdir um, at samgongan millum CDU/CSU og SPD skal ikki halda fram.
Nú standa drúgvar samráðingar fyri framman, har bæði SPD og CDU/CSU fara at trákkast eftir vælvild frá minnu flokkunum, teimum liberalu í FDP og í umhvørvisflokkinum Teimum Grønu. Teir kunnu gerast samgongufelagar hjá báðum teimum stóru flokkunum.
Um tú veitst okkurt, sum VP ikki veit - skriva so til vp@vp.fo