Politikkur í dag er ein kapping um, hvør kann vísa mest sosiala umsorgan - fyri skattapengarnar hjá øðrum
- George F. Will

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Starvsfelagið, ið varðar av sáttmálaøkinum hjá journalistum í almennum starvi, átalar harðliga ógvusliga ágangin, ið verður framdur móti journalistum í Kringvarpinum av íslendska reiðarínum Samherja og teirra sonevnda ”geriljadeild”.

At Samherji fer so langt í ætlanini at sáa iva um journalistar og journalistiska fakið, og samstundis hevur eitt lið, sum hevur til endamáls at ”stinga, benda og stroya salt í sárið” á teimum, sum seta spurnartekin við viðurskifti hjá Samherja, er undir alt lágmark.

Skrivi- og talufrælsið er hornsteinur í einum demokratiskum samfelag. Tí er tað umráðandi, at vit hava eitt sterkt og óheft Kringvarp Føroya, sum public service stovnur kann røkja uppgávuna at veita samfelagsupplýsing og ikki minst at hava kritiskt eftirlit við samfelagsviðurskiftum, politisku skipanini og teimum ráðandi.

Tað er týdningarmikið, at stovnurin fær frið og umstøður at røkja hesar uppgávur til lítar.

Starvsfelagið

Um tú veitst okkurt, sum VP ikki veit - skriva so til vp@vp.fo