Lívið er eitt baks, men um tú dugir eisini at flenna at tí, so eigur tú gávuna at njóta tað
- Selma Hayek

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Starvsfelagið stuðlar S&K í ynskinum um sættu frívikuna til limirnar og harmast um, at Føroya Arbeiðsgevarafelag ikki vil ganga ynskinum á møti.

At Føroya Arbeiðsgevarafelag goymir seg handan argumentið um løgtingslóg um frítíð, er óvirðiligt og kann ikki brúkast. Løgtingslógin um frítíð er eingin forðing fyri, at partarnir avtala betri treytir í sáttmálan, og hevur ikki forðað øðrum fakfeløgum at tryggja sær sættu frívikuna til limir sínar, eitt nú Starvsfelagið.

Hetta hevur við sær, at starvsfólk á almenna arbeiðsmarknaðinum og almennum partafeløgum arbeiða undir sera ymiskum treytum enn starvsfólk á privata arbeiðsmarknaðinum.

Starvsfelagið heldur, at limirnir í S&K hava uppborið at fáa arbeiðsviðurskifti, sum ein stórur partur av arbeiðsmarknaðinum longu hevur ognað sær. Nógvir limir í S&K hava hóast alt verið sera útsettir í starvi sínum tað seinasta árið við korona farsóttini og hava mannað størv, sum eru alneyðug fyri alt samfelagið.  Hetta hava tey uppiborið virðing og viðurkenning fyri.

Starvsfelagið vil tí heita á Føroya Arbeiðsgevarafelag at vísa limunum í S&K og øðrum sáttmálaøkjum á privata arbeiðsmarknaðinum vælvild og ganga ynskinum um sættu frívikuna á møti, júst sum almennu arbeiðsgevarar hava gjørt.

Starvsfelagið

Um tú veitst okkurt, sum VP ikki veit - skriva so til vp@vp.fo