Stóra sorgin er at gera sær greitt, at vit sjálvi eru orsøkin til alla okkara mótgongd
- Kinesiskt orðatak

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tekstlýsingar

Er tú samskiftissinnað/ur og hevur tú áhuga fyri talgildum tænastum, so er eitt skrivstovu starv, hálva tíð, leyst at søkja í Vestmanna Kommunu.

Nú talgilding veruliga tekur dik á seg, og vit nærkast verksetan av vanganum í kommununi, ynskja vit ein nýggjan starvsfelaga at manna móttøku okkara.

Arbeiðið fevnir m.a. um móttøkuna og dagliga raksturin av heimasíðum okkara, framleiða- og rættlesa skrivligt tilfar, umframt aðrar fyrifallandi uppgávur.

Arbeiðsuppgávurnar fevna m.a. um:
- At taka lut í at menna og verkseta tænastur á vanganum.

- At framleiða og góðskutrygga tíðinda- og kunningartilfar

- At hava dagligu umsitingina av heimasíðu og sosialum miðlum

- At manna móttøkuna.

Førleikakrøv
- Tað er neyðugt, at tú hevur góðan penn og málsligar førleikar sum heild.

- At tú er væl skipa/ur.

- Royndir við ymsum forritum og/ella heimasíðum er ein treyt.

Persónligu eginleikar tínir eru opinleiki, framsøkni, góð samskiftisevnir, góð samstarvsevnir, umframt sjálvstøðugt arbeiðslag.

Lønar- og setanarviðurskifti
Starvið fevnir um 20 tímar um vikuna við tilvísing til kommunuskrivaran og verður sett skjótast tilber, ella eftir nærri avtalu. Starvið er lønt eftir sáttmála millum KAF og Starvsmannafelagið, í lønarflokki 3.

Umsøkjarar kunnu seta seg í samband við Rúnu Ingunardóttir, kommunuskrivara á tlf. 770 102 ella runa@vestmanna.fo, fyri at fáa meira at vita um starvið.

Umsóknir
Umsóknir við avritum av prógvum, CV og viðkomandi skjølum skulu sendast við telduposti til vestmanna@vestmanna.fo

Umsóknir skulu vera okkum í hendi í seinasta lagi 04. juli 2022

Um tú veitst okkurt, sum VP ikki veit - skriva so til vp@vp.fo