Í gjárkvøldið bjóðaði matstovan Steikin, sum letur upp fyri almenninginum í kvøld, útvaldum gestum til eitt royndarkvøld.
Vinir og kenningar umframt fjølmiðlafólk og komandi starvsfólk á staðnum vórðu boðin, og eydnaðist kvøldið avbera væl.
Steikin, sum liggur á Tórsgøtu í miðbýnum í Havn, fer at leggja serligan dent á at bjóða gestum eitt breitt úrvali av kjøti.
Matstovan hevur eina buffetmatskrá, har forrættur, høvuðsrættur og sodavatn er íroknað í tí lægsta prísinum, og til ein hægri prís ber eisini til at keypa dessert, bjór og vín.
Harumframt hevur Steikin eitt 150 m² innandura spælipláss, sum børn kunnu brúka ókeypis. Menninir handan Steikina eru Terji Sørensen, Ruben Busk og Sigfríður á Plógv Hansen.
Local.fo var á staðnum og tók myndir frá kvøldinum.
Sí myndir her
Um tú veitst okkurt, sum VP ikki veit - skriva so til vp@vp.fo