Russiskar deildir hava eitt nú brúkt spreingievni til at "elva til deyða, minka um moralin og forða ukrainum í at kunna fara har sum teir vilja".
Soleiðis stendur millum annað í einum skrivi sum bretska verjumálaráðið hevur almannakunngjørt.
- Hópgrøvir og umfatandi oyðileggingar siga eina óhugnaliga søgu, og prógv eru fyri, at tað eru vanlig fólk sum standa fyri skotum heldur enn herfólk, sigur bretska verjumálaráðið eisini.
Í einum føri er skotið eftir tangum við salpetursýru í býnum Rubizje í Luhansk landslutinum har eysturi í landinum. Sýran kann vera vandamikil fyri fólk, um hon sleppur úr tangunum.
Prorussisk herlið har á leiðini siga hinvegin, at tað eru ukrainskar deildir sum hava skotið eftir tangunum.
Um tú veitst okkurt, sum VP ikki veit - skriva so til vp@vp.fo