Ruðuleiki valdar á marknaðinum fyri byggitilfar, og tað ger, at føroyingar skulu vænta sær dýrari tilfar og longri leveringstíðir. Tilfarið kann dýrka eini 10 - 25%.
Tað sigur stjórin hjá Bygma Balslev, Sjúrður Olsen, við Kringvarpið.
Ein orsøk er, at amerikumenn og kanadiarar keypa meira enn vanligt, samstundis sum at koronufarsóttin hevur elvt til trongar.
- Eg havi verið í bransjuni í 35 ár og havi ikki upplivað nakað líknandi áður, sigur hann.
Væntað verður tó, at støðan er blivin meira normal aftur til heystar.
Um tú veitst okkurt, sum VP ikki veit - skriva so til vp@vp.fo