Í 15 donskum kommunum eru mál um børn og ung undir 18 ár sum hava latið kynsligar tænastur afturfyri pengar, gávur ella rúsevni, oftani til menn sum eru nógv eldri enn tey - sonevnd sugerdating.
Tað er DR sum hevur spurt seg fyri hjá øllum landsins kommunum.
Í eini kommunu, Esbjerg, hava tey havt mál við gentum heilt niður í 12 ára aldur sum ferðast í umhvørvi har tað er vanligt at kynsligar tænastur verða veittar afturfyri gávur sum til dømis rúsevni.
Eitt er, at tað sum hendir er beinleiðis í stríð við lógina. Annað er, at børnini, sum gera slíkt, oftani fáa álvarsligar sálarligar trupulleikar at stríðast við seinni í lívinum.
- Tey fata oftani ikki avleiðingarnar av sínum gerum, og hvørja ávirkan tað fær á lívið, sigur Christian Groes, sum kynsgranskari við Roskilde Universitet.
Um tú veitst okkurt, sum VP ikki veit - skriva so til vp@vp.fo