Nú tosað verður um at strika týskt sum lærugrein í skúlanum, skriva fólk skilagott um ørskapin.
Christian Haraldsen var eisini lærari í realskúlanum í Havn undir krígnum. Vit høvdu hann í týskum í 1941/42.
Nógv av tí, hann lærdi okkum, t.d. ta týsku grammatikkina, sum vit dugdu næstan betri enn ta føroysku, og remsuna an, auf, hinter … vor, zwishen, sum ikki stýra dativ (An der schönen blauen Donau), er neglað í kulturøkið í okkara heila.
Tá ið Haraldsen segði Ich habe mein Herz in Heidelberg verloren [Haraldsen hevði studerað í Heidelberg], kom útlongsul í okkara sál.
Hendan sangin kunnu vit hoyra og síggja í YoyTube.
Haraldsen dugdi at gera tað týska málið livandi og spennandi: Bist du in Deutschland gewesen? Ja, ich bin in Deutschland gewesen.
Og so lærdi Haraldsen okkum at siga (stava) 7777 á týskum í einum orði:
Siebentausendsiebenhundertsiebenundsiebzig.
Jú, tímarnir í týskum hjá Haraldsen (ættaður úr Elduvík) og tímarnir í enskum hjá Nygaard (ættaður av Eiði) fluttu okkum út í stóru verð.
Í tímunum hjá Nygaard lósu vit ensk bløð, sum vit figu regluliga frá tí bretska konsulátinum.
Um týskt fer at hvørva sum lærugrein í okkara skúlum, verður tað stórt afturstig á okkara mentanarøki.
Heri Mohr
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo