Smittan ger um seg millum manningarnar, og tað kann enda við broytingum í ferðaætlanunum.
Fleiri tilburðir av koronasmittu eru seinastu dagarnar staðfestir hjá manningum umborð á Strandfaraskipum. Hetta hevur higartil ikki ávirkað siglingina, hóast partar av manningum nú eru farnar í sóttarhald.
- Um smittutalið fer at vaksa kann roknast við, at hetta kemur at hava ávirkan á ferðaætlanina á einstøkum leiðum. Kunnað verður um hetta alt fyri eitt, sigur Strandferðslan á heimasíðuni.
Eisini verður sagt, at smittað, sum ætla sær við Smyrli, eiga at boða frá skjótast gjørligt, so tey kunnu fáa kunning um, hvar umborð tey skulu vera.
- Ferðafólk, ið koma úr útlondum ella eru í sáttarhaldi, skulu uppihalda seg í "Beinisvørð" á dekk 6 og nýta munnbind allan túrin, verður lagt afturat.
Um tú veitst okkurt, sum VP ikki veit - skriva so til vp@vp.fo